كل يوم بتشوفي ابنك التوحد بيكبر طوله

بيزيد قدام عينيكي سنتي ورا سنتي وملامحه

بتتغير وكل ما بيكبر في سؤال بيكبر معاه

جواكي وبتساليه نفسك في لحظات الهدوء يا

ترى هيجي اليوم اشوفي ابني يبقى عريس

ويتجوز هيقدر يوصل لمستوى انه يفتح بيت

ويكون له زوجه واولاد ولا لا؟ اهلا وسهلا

انا دكتور احمد عبد الخالق النهارده انا

مش هرد عليكي باجابه تطبطب عليكي وتبيع لك

الوهم وتريحك مؤقتا انا هكون صريح معاك

وهاخدك من ايدك وهنشغل كشاف ضوء كده ينور

لنا طريق المستقبل وهنمشي في رحله مع بعض

الرحله دي من المستقبل عشان تشوفي بعينيكي

ايه اللي مستني ابنك قدام هنعرف مع بعض

ايه المشاكل اللي هتقابله وامتى يقدر ينجح

في الزواج وامتى ممكن لا قدر الله يفشل

والاهم ايه التدريبات اللي لازم تبداي

بيها معاه من النهارده عشان تقدري توصليه

لبر الامان عشان نفهم مستقبل ابنك لازم

الاول نتفق على قاعده مهمه جدا الزواج ده

دي مش مكافئه نهايه الخدمه خدمه لا ابدا

ولا هو حق تلقائي بيجي لما بيوصل لسن بلوغ

اطلاقا فعادتي دايما بشبه ان الحياه

الاجتماعيه بالسلم التعليمي يعني ايه

الكلام ده يعني عشان ادخل كليه هندسه لازم

اجيب مجموع 90% في الثانويه العامه

والهندسه بالنسبه لي يعني الجواز واللي

اقصده هنا ان لازم ابنك يمتلك المهارات

اللي تقدر تاهله للجواز زي كليه الهندسه

بالظبط لازم يبقى يذاكر ويعديل

المراحل الدراسيه عشان يوصل لكليه هندسه

طيب يعني ايه؟ اول حاجه لازم تكون موجوده

انه يقدر يعمل صديق على الاقل صديق واحد

دي المرحله الابتدائيه اولى ابتدائي انه

يشتغل في فريق عمل ويقدر يبقى فرد وسط

مجموعه ان هو ما ينهرش لما بيبقى وسط

مجموعه دي بالنسبه لي يعني الاعداديه انه

يفهم مشاعر اللي قدامه من غير كلام وانه

يقدر يقرا تعبير الوجه ان يقدر يستخدم

تعبير الوجه دي بالنسبه لي زي الثانويه

العامه اما بقى الجواز الجواز ده كليه

الهندسه الزواج هي اعلى اعلى حمل عصبي

ونفسي وحسي بيمر بيه اي انسان على الاطلاق

على فكره توحد او غير توحد يعني لو ابنك

لسه ما دخلش الابتدائي يعني ما بيعرفش

يكون اصدقاء ازاي بتساليه ان هو يتخرج من

الجامعه وانا لسه في ابتدائيه ازاي تخليه

يتجوز ويعمل علاقه مع زوجه وهو مش فاهم

يعني ايه علاقه صداقه ما بين اثنين قريبين

من بعض البلوغ الجسدي ده بيدي له استثمار

ماشي ان هو الولد كبر خلاص وبقى قادر على

الجواز بس قدره جسديه لكن قدره ان هو يقدر

يفهم انه يقدر يتواصل انه يقدر يبقى ا

مسؤول عن بيت انه يقدر يربي ولاد ده موضوع

ثاني خالص ماشي ممكن ابنك يكبر ويبقى كبر

وشاب محترم ويشتغل وشكل ممتاز وممكن ما

يتجوزش هو مش عاوز يا ستي يتجوز طيب

تعالوا ناخدها كده مع بعض ان لو ابنك

اتجوز من غير ما يبقى جاهز ماشي او حتى

جاهز نص نص ايه المشاكل او الثلاث كوارث

الكبار اللي ممكن يحصلوا جوه البيت في

حاله ان هو اتجوز ودي دايما مشاكل

بيقابلوها الستات اللي اجوازاتهم عندهم

توحد الكارثه الاولى ودي اكبر كارثه فخ

ماما البديله يعني ايه لكم كده قصه ست كده

نهى دي ام من القاهره دي تعبت مع ابنها

طارق كبر لغايه ما اتخرج واشتغل وجوزته

عشان تطمن عليه لكن بعد اربع شهور الجوزه

اللي هي مراته سابت له البيت ليه يا عم

طارق بس ايه اللي حصل؟ طارق متعود على امه

اللي هي نهى انها بتصحيه وتجهز له الاكل

وبترتب له حاجته ومسؤول عن كل ايه ومسؤول

عن كل حاجه وهي اللي بتجيب السباك وهي

اللي بتجيب الناس مش عارف يعملوا ايه هي

اللي بتصرف في البيت هو قاعد برنس باشا ما

بيعملش اي حاجه خالص فلما هو اتجوز ماشي

هو ما كانش بيدور على شريكه حياه هو كان

بيدور على بديل لماما او بيدور على ماما

جديده او من الاخر كده هو بيدور على نه

تعيش عيش معاه لكن الزوجه لقت نفسها

مسؤوله عن طفل كبير يعني هي متجوزه زوج

ولا هي عايزه متجوزه واحده عشان تعيش له

كانها امه وتعمل له كل حاجه كان امه هو

بيتعامل معاها زي امه بالظبط هو ماتعلمش

ان التعامل مع الزوجه مختلف تماما عن

التعامل مع الام فلما بيتعامل معاها

بيتعامل معاها كان امه بالظبط ماشي هو

مالوش دعوه باي حاجه هو قاعد برنس لكن

الست حرام ماتحملتش الكلام ده قالت لا انا

مش قادره مش قادره اتحمل القصه دي كلها

طيب كل حاجه كانت واقفه

على امه لما كان في بيت امه لكن لما راح

البيت زوجته هو بقى عاوز يعيش بنفس النظام

اللي كان عايش بيه في بيت امه فبالتالي

الزوجه ما قبلتش الكلام دوت فالحياه باظت

واتفشكلت طب ايه الكارثه الثانيه الكارثه

الثانيه بقى وضع مختلف الجفاف العاطفي او

حاجه اسمها متلازمه كاسندرا يعني ايه

الكلام ده يعني الزوج التوحدي ممكن يكون

موظف ممتاز يعني مستحيل يكذب وممكن كمان

اقول لك ان هو مستحيل يخون وان هو جدع جدا

لو طلبت منه اي حاجه انت عاوزاها يعني قمه

في الجدعانها ولكن ماشي عنده مشكله ثانيه

عايزين نعرفها طيب تعال نشوف قصه واحده

اسمها سلمى دي مع جوزها سلمى بترجع البيت

مثلا متضايقه ماشي مهمومه بتبكي وحصل لها

مشكله في الشغل ومحتاجه بس جوزها يقعد

معاها يفهمها يا سيدي يحضنها ماشي جوزها

كده يحسسها ان هو يعني متعاطف معاها عايزه

تحس شويه تعاطف

لكن ايه اللي بيحصل بقى؟ ماشي لكن هتلاقي

جوزها يسمع منها المشكله ماشي بدل ما

يطبطب عليها ياخدها في حضن ويقول لها

كلمتين حلوين يديها حل منطقي جاف للمشكله

ويسيب الاوضه ويمشي عشان صوت عياطها

والنحنحه بتاعتها ده بيزعجه وبيتضايقه وما

بيعرفش يطبطب وما بيعرفش يقول كلمه حلوه

ويقوم سايبها وماشي هو من وجهه نظره انت

مش عندك مشكله مش انا قلت لك الحل مش قلت

لك تعملي ايه عايزه ايه ثاني هي ما كانتش

عايزه منك الحل كانت عايزه منك طبطبه كانت

عايزه منك ك احاسيس ماشي الناس دي اللي هو

التوحد لما بيتجوز بيبقى فيه مشكله انه ما

بيعرفش يواشي ما بيعرفش يجامل ما بيعرفش

يقول كلمه حلوه ما بيعرفش يطبطب ماشي ما

بيعرفش يفهم المشاعر ما بيعرفش يفهمها وما

بيعرفش يديها تحسي ان انت بتتعامي مع اله

كده يعني 1 +

ساوي اين ماشي دماغه للاسف للاسف الناس

اللي عندهم توحد دول دماغهم مختلف عننا

دماغه مش بتعالج العاطفه المتبادله بالشكل

المعتاد ما بين الزوجين ابدا ده بياخد

الكلمه بالحرف زي ما هي ما بيعرفش يعني

ايه حزن في عين الشخص اللي قدامه والنتيجه

ان الزوجه بتحس انها بتعيش في صحرا جوزها

مش موجود بجسمه بس لكن روحه في مكان ثاني

خالص الكارثه الثالثه بقى ودي المشكله

الكبيره جدا وهي الزلزال الحسي يعني ايه

يعني الزواج ده عباره عن مشاركه مشاركه

مساحه ضيقه يعني بنقعد في السرير مع بعض

بنلمس بعض في روايح متداخله ماشي روتيني

بيخش على روتين جوزي القصه بتمشي بهذا

الشكل لكن مشكله بقى اذا كان ابنك وهو

صغير كان بينهار لو شلتي القلم بتاعه من

مكانه كان بينهار لو غيرتي ميعاد الاكل

بتاعه ولا الكرسي اللي بيقعد عليه بيحصل

زلزال جهازه العصبي ما بيتحملش الكلام ده

ما عندوش مرونه في بيتك وهو صغير ما بالك

بقى لما يتجوز مثلا وكل حاجه تتغير

والدنيا كلها تمشي بشكل مختلف تماما

الدنيا بتبقى عامله ازاي احكي لكم قصه قصه

لطيفه جدا عن الموضوع ده انا اعرف ام ك هي

اللي بتحكي لي القصه دي يعني من ضمن اللي

انا بتعامل معاهم يعني هو ابنها عنده توحد

وجوزها كمان عنده توحد الام دي راحت اا

شكل بقىها خمس ست سنين في مكان فاوضه

النوم زي ما يكون اتكسرت او مش مظبوط او

حصل مشكله بعد السنين دي كلها فجوزها كان

رافض يغير اوضه النوم فقعدت تحوش تحوش

تحوش بعد كام شهر عملت له مفاجاه وجت غيرت

اوضه النوم وجابت اوضه نوم جديده الراجل

جه شاف اوضه النوم دي ماشي اتجنن دي

الاوضه اللي انا برتاح فيها انت غيرت

الروتين بتاعي غيرت المكان اللي قاعد فيه

غيرت الملمس اللي بقعد عليه اتعصب واتنز

بقى مشكله لدرجه انه يطلقها ما قدرش يتحمل

التغيير لان كان تغيير ضخم كبير بالنسبه

له المشكله المشكله بتبقى هنا الروتين

بالنسبه لهم بيبقى معقد روتين في كل في كل

حاجه يعني برده كان في ام لسه لسه كانت

ماشيه من عندي من شويه بتحكي لي انا من

ساعه ما اتجوزت جوزي ماشي وهو طول النهار

بيجي من الشغل يقعد على البلاي ستيشن

ماشوفوش الا لو دخل ينام يصحى الصبح يروح

الشغل يجي يقعد على البلاي ستيشن ماشوفوش

دخل ينام ما فيش علاقه ما بينهم اطلاقا

الا لو عاوزه حاجه خدي فلوس عاوزه كذا مش

عارف اعملي كذا وفي البيت هو مالوش دعوه

باي حاجه خالص ماشي ده ماتجوش ست هو عايز

يكرر امه مره ثانيه ماشي الروتين اللي

عايش عليه طول عمره وهو صغير عايز يمشي

عليه بنفس الطريقه بنفس الشكل بنفس نفس كل

حاجه انت دلوقتي بتسمعي الكلام ده واكيد

هتتخضي طب وايه الحل

من خبرتي خلال 25 سنه اللي فاتوا دول هقول

لك حقيقه لازم تقبليها من وجهه نظري يعني

50% من حالات التوحد اللي بتابعها وبشوفها

هقول لك ان هم هيوصلوا لمحطه الجواز ماشي

لكن ابنك بالنسبه هل هو ممكن يوصل ولا لا

اه طبعا ممكن يوصل وفي 50% ما بيوصلوش ما

بيوصلوش يعني هو هيفشل لا في ان هو ما

قدرش يوصل للمرحله دي اه ممكن يشتغل ويبقى

له اصحاب لكن ما قدرش المرحله دي لا ده مش

كده وبس كمان ده في مشكله ثانيه خالص ده

في منهم بقى نسبه ودي شفتها بعيني كتير

قوي ان هو بيكبر وبيشتغل واغلبهم بيبقوا

مهندسين وضباط ومحاسبين في بنك يعني

اغلبهم بيبقى في المهن دي بيعمل ايه بقى

اول ما خلاص بقى بيشتغل وبيبقى معاه فلوس

بيقرن ان انا مش هتجوز خالص لا انا ماليش

في قصه الجواز دي انا هوجع دماغي ليه هم

طريقه تفكيرهم بيبتوا يحسبوها على اساس ان

هي مكسب وخساره انا بكسب ايه وبخسر ايه طب

انا دلوقتي لما انا اروح الاقي واحده تقعد

بقى تقول لي هات لي كذا واعمل لي كذا وسوي

لي كذا والتزاماتك كذا واعمل لي كذا واصرف

عليها واجيب لها طب ايه وجع الدماغ ده طب

ليه ماشي طب انا هستفيد ايه من الجواز

فلما بيجي يحسبها مكسب وخساره بلاقي نفسه

مش كسبان وبالتالي ايه اللي بيحصل في منهم

كتير جدا بيقرر ان هو ما يتجوش يعني لما

بيجي بيحسبها لا يا عم انا مش كسبان في

الموضوع ده دلوقتي بقى خلصنا قصه المستقبل

تعالي بقى نرجع للحاضر ونتكلم على ابنك

دلوقتي ابنك دلوقتي هو لسه عجينه في ايدك

تقدري تغيريه عشان تجهزيه لازم نربط اصغر

حاجه بيعملها النهارده باكبر مشكله ممكن

تحصله لما يكبر ماشي انت فاكره مثلا

دلوقتي انت بتعملي له ساندوتش وبتدي تعملي

له حاجته بتخليه يعتمد عليكي ماشي طب هو

لما يكبر مش هيعرف يعتمد على نفسه عشان

كده لازم تبتدي تعوديه ا ب وان هو دلوقتي

تبجهزيه لبعدين ان هو مسؤول عن نفسه مسؤول

عن اكله مسؤول عن شربه مسؤول عن اوضته حتى

لما بيجي بيروح المدرسه تبتدي تعلميه ان

هو مسؤول عن مذاكرته مسؤول عن مصروفه ماشي

مسؤول لان هو لو اتعلم في بيتك ان يدير

حياته ويدير بيت وهيقدر يدير بيت لما يكبر

ويتجوز لكن لو انت معيشاه ان انت بتعملي

له كل حاجه وبتنفذي له كل حاجه وبتساعديه

في كل حاجه وهم اصلا بيحبوا الكسل يحب

يقعد كده زي الملك زي البرنس والناس كلها

تقعد تخدمه طب هو لما هيكبرجوز يعمل ما

هيعمل نفس القصه لانه ماتعودش من هو صغير

ان يتحمل مسؤوليه المكان اللي هو فيه او

حتى يتحمل مسؤوليه نفسه نمره اثنين انت

محتاجه تبتدي تعلمها له ودي مهمه جدا

ترجمه المشاعر لما ترجعي تعبانه ويجي يطلب

طلب وقفيه كده قولي لي بص الوشي كده شوف

ملامح وشي انت فاهم منها ايه انا مبسوطه

ولا متضايقه نبره صوتي دي يبان منها

مبسوطه ولا متضايقه ماشي ابتدي علميه يقرا

الوشوش يقرا المشاعر سواء معاك او مع ابوه

او مع اخواته طب اخوك دلوقتي زعلان ولا

فرحان طب لو زعلان هنعمل ايه طب ولو فرحان

هنبتدي نعمل ايه طب دلوقتي لو اخوك متضايق

هتقول له ايه طب بابا بص شوف دلوقتي

متضايق هنقول له ايه طب اخوك خايف هتروح

تطمنه ازاي طب انت سالت على اخوك ولا ما

سالتش وتبتدي تعلميه المشا مشاعر وازاي

يتعامل مع المشاعر الكلام ده مش هتعلمه

لوحده الولاد الطبيعيين بيتعلموه لوحده

لكن ابنك ما بيتعلمهاش لوحده انت لازم

تبتدي تساعديه ماشي الخطوه الثالثه اللي

هي بقى بعد كده اللي هو منهج الابتدائي

اللي قلنا عليه في الاول اللي هو تكوين

الاصدقاء ودي اهم نقطه هي دي من وجهه نظر

تكوين الاصدقاء ان هي دي يعني مرحله

اندماجه في المجتمع فاذا ما قدرش يبتدي

يتعلم يعني ايه اكون صديق ازاي ابدا كلام

معاه يعني ايه صديق ايه الفرق بين ان عامل

صديق وزميل؟ ايه الفرق بين صديق وزميل

وواحد قريبي؟ ايه الفرق بين صديق وزميل

وواحد قريبي ومدير المدرسه والمدرس ان كل

واحد له طريقه في التعامل وكل واحد له شكل

في التعامل هو مابقاش فاهم الكلام دوت هو

بيتعامل مع الناس كلها بطريقه واحده بشكل

واحد مش قادر يميز يعني يتعامل معاهم ازاي

فلما ابتدي تبتدي تتعلميه يعني ايه صداقه

وازاي ابتدي يتعامل مع صديقه من الاول

وبتدي ياخد خبره انت كده بتزودي خبرته في

التعامل مع الناس وبالتالي لما يكبر

ويتجوز هيقدر يبقى له علاقه مع مراته دي

دي كانت البدايه يا بنتي انا هنا مش جاي

عشان اخوفك من المستقبل ولا ابتدي حتى

اقول لك ان ان الدنيا هتمشي بشكل وحش لا

بالعكس والله ده في امثله كتير جدا ماشي

كل اللي انا عاوزه منك ماشي ان انت من

ساعه ما تعرفي ان ابنك عنده مشكله في قصه

التوحد لازم تحطي في بالك ان انت لازم

تساعديه وتوصليه لبر الامان ماشي والام

اللي علمته ينط اول كلمه الام دي قادره

انها تعلمه ازاي يقرا ملامح الناس يفهم

مشاعرهم قادره انها تسحب ايده دلوقتي عشان

تعلمه يعمل ايه مع الناس او يتصرف ازاي

انت العكاز الجديد اللي بتسند عليه عشان

توصليه لبر الامان الزواج مش مجرد شاره

نجاح انت مستنياها من المجتمع نجاحك

الحقيقي ان انت تبني انسان يقدر يدير

حياته سواء لقى شريكه حياه تكمل معاه او

هو قرر ما يكملش هو حر المهم ان انت

وصلتيه ويقدر يتعامل مع الناس بشكل جيد

اتمنى يا رب ان شاء الله يكون المعلومات

دي تقدر تفيدكم وصدقوني كويس امهات كتير

كتير جدا بتقدر توصل للمرحله دي ولو

عايزين اي مساعده بالذات في تكوين

الاصدقاء وفي التعامل مع الناس تعالوا

عندنا تجمع التوحد هتلاقوني وتلاقوا امهات

كتير جدا نساعد بعض ونعلم ولادنا ازاي

يقدروا يتعاملوا مع الناس الرابط هتلاقوه

تحت في التعليقات ‏No.